ಕಾಯಿನ್...!

ಇವತ್ತು ಅಮ್ಮು"ಕಾಯಿನ್ "ಅಂತ ಹೊಸ ಪದ ಹೇಳಿದ

************

ಬೆಳಗ್ಗೆ ಅಪ್ಪನ (ಅಂದ ಹಾಗೆ ಕಳೆದ ವಾರದಿಂದ ಅರವಿಂದನನ್ನು ಅಪಾ, ಆಪಾ, ಅಪ್ಪ್ಪ ಆಆ... ಅಂತೆಲ್ಲಾ ಕರೆಯುತ್ತಿದ್ದಾನೆ) ಕಂಪ್ಯೂಟರ್ ಟೇಬಲ್ಲಿನ ಡ್ರಾ ದ ಕಂಡಿಯಲ್ಲಿ ಕೈ ಸಿಕ್ಕಿ ಹಾಕಿಸಿಕೊಂಡು ಏನೋ ಬೇಕೇ ಬೇಕೆಂದು ಹಟ ಮಾಡಿ ಅಳುತ್ತಿದ್ದ

ನಾನೂ ಇವನ ಅಳು ನೋಡಲಾರದೇ ತೆಗೆಯಲು ಪ್ರಯತ್ನಿಸಿದರೂ ಅಡ್ಡಡ್ಡವಾಗಿ ಚೈಲ್ಡ್ ಲಾಕ್ ಹಾಕಿದ್ದರಿಂದ ನನಗೂ ತೆಗೆಯಲಾಗಲಿಲ್ಲ. ಬೇರೇನೋ ಆಟಿಕೆ ಕೊಟ್ಟು ಮರೆಸಲೆತ್ನಿಸಿದರೂ ಬಡಪೆಟ್ಟಿಗೆ ಒಪ್ಪದೇ ಮತ್ತೆ ಮತ್ತೆ ಅದೇ ಕಂಡಿಯಲ್ಲಿ ಕೈ ಸಿಕ್ಕು ಹಾಕಿಸಿಕೊಂಡು ಅಳಲು ಶುರು ಮಾಡಿದ ಕೊನೆಗೆ ಹರಸಾಹಸ ಮಾಡಿ ಡ್ರಾದ ಬಾಗಿಲು ತೆರೆದು ಏನೂ ಬೇಕೋ...ಅಂತ ನಾನು ಕೇಳಿದಾಗ ಹೊಳೆ ಹೊಳೆಯುವ ಎರಡು ಹೊಸದಾದ ಕ್ವಾರ್ಟರ್(ಇಪ್ಪತೈದು ಸೆಂಟಿನ ನಾಣ್ಯ)ಗಳನ್ನು ತೆಗೆದುಕೊಂಡು

ಹೇ..ಅಂತ ಒಮ್ಮೆ ಕಿರುಚಿ ಹೇಳಿದ

"ಮಾಮ... ಕಾಯಿನ್...!