ಬಾಳೆಹಣ್ಣಿನ ಡಬ್ಬವೂ ಮತ್ತು ರೆಕ್ಟ್ಯಾಂಗಲ್ಲೂ

ಇವತ್ತು ಅಮ್ಮುವಿನ ಶಾಲೆ ಮಾರ್ಟಿನ್ ಲೂಥರ್ ಕಿಂಗ್ ನ ಸ್ಮರಣಾರ್ಥ ರಜ.ಮನೆಯಲ್ಲಿ ಬೇಜಾರಾಗುತ್ತಾನೆಂದು ಅದೂ ಇದೂ ಮಾಡಿಸುತ್ತಿದ್ದೆ.ಸ್ಟಿಕ್ಕರ್ ಅಂಟಿಸುವುದು, ಕಲರ್ ಮಾಡುವುದು ಹೀಗೇ...ಥಾಮಸ್ ಟ್ರೈನ್ ಅವನಿಗೆ ಪಂಚ ಪ್ರಾಣ ಅದರ activity kit ಯಾವುದೋ ಹುಟ್ಟು ಹಬ್ಬದಲ್ಲಿ ಉಡುಗೊರೆಯಾಗಿ ಸಿಕ್ಕಿದ್ದು ಇವನು ಇನ್ನೂ ಪುಟ್ಟವನೆಂದು ನಾನು ಜೋಪಾನ ಮಾಡಿ ಇಟ್ಟದ್ದು
ಸಿಕ್ಕಿತು ಅದನ್ನು ತೆರೆದು ಇಬ್ಬರೂ ಕೂತೆವು ಸ್ವಲ್ಪ ಹೊತ್ತು ಕಲರ್ ಮಾಡಿ ಆಯಿತು ಅಮ್ಮುವಿನ ಕಣ್ಣುಬಿದ್ದದ್ದು ನಾಲ್ಕು ಕ್ರೆಯಾನ್ ಗಳನ್ನು ಹಾಕಿ ಕೊಟ್ಟ ಪುಟಾಣಿ ಪೊಟ್ಟಣದ ಪ್ಯಾಕಿಂಗ್ ಮಟೀರಿಯಲ್ ಮೇಲೆ.Ohhh...! here is rectangle ಅಂತ ಹೇಳುತ್ತಾ ನಾನು ಬಿಸಾಡಬೇಕೆಂದು ಇಟ್ಟಿದ್ದ ಆ ರೊಟ್ಟಿನ ಚೂರಿನಿಂದನೇ ಅವನೊಂದು ಆಟ ಮಾಡಿಕೊಂಡು ಬಿಟ್ಟ!
ಪುಟ್ಟಾಣಿ ಕ್ರೆಯಾನ್ ಪೊಟ್ಟಣವನ್ನು ಅದರ ತೂತಿನಲ್ಲಿ ಸೇರಿಸುವ ಆಟ...
ನನ್ನನ್ನು ಪರೀಕ್ಷಿಸುವುದು ಬೇರೆ ! ಪೊಟ್ಟಣವನ್ನು ಬೇರೆ ಬೇರೆ ಕೋನಗಳಲ್ಲಿ ಇಟ್ಟು Is it fits? ಅಂತ ಕೇಳೋನು ನಾನು ಉತ್ತರಿಸಬೇಕು ನಂತರ ಸ್ವಲ್ಪ ಜರುಗಿಸಿ ಮತ್ತೆ ಪ್ರಶ್ನೆ.....ಕೊನೆಗೊಮ್ಮೆ ಅದು ಸರಿಯಾದ ಜಾಗದಲ್ಲಿ ಕೂತು ನಾವಿಬ್ಬರೂ
ವಿಜಯೋತ್ಸಾಹದಿಂದ `hey...we did it..! ಅಂತ ಕೂಗೋದು!

*********************
ಕನ್ನಡ ಕೂಟದ ಕ್ಯಾಪಿಂಗ್ ಗೆ ಹೋಗಿದ್ವಿ ಅಮ್ಮು ಪುಟ್ಟವನಿದ್ದಾಗ 2008ರ oct ನಲ್ಲಿರಬೇಕು
ಅಲ್ಲಿಂದ ವಾಪಸು ಬರುವಾಗ ಬಾಳೆಹಣ್ಣಿನ ಗಟ್ಟು ಮುಟ್ಟಾದ ರೊಟ್ಟಿನ ಡಬ್ಬದಲ್ಲಿ ಒಂದಿಷ್ಟು ಸಾಮಾನು ಮನೆಗೆ ಬಂತು
ಸಾಮಾನು ಖಾಲಿಮಾಡಿ ಡಬ್ಬ/ಕೋಕ ಬಿಸಾಡೋಣವೆಂದರೆ ಮಗು ಅಮ್ಮು ಅದನ್ನು ಗಟ್ಟಿಯಾಗಿ ಹಿಡಕೊಂಡು ಕೂತು ಬಿಟ್ಟಿದ್ದ
ನಂಗೆ ಇದು ಬೇಕೇ ಬೇಕು ಅಂತ.
‘ ಅಲ್ವೋ..... ಮನೆ ತುಂಬಾ ಆಟಸಾಮಾನು ಇದೆಯಲ್ಲೋ ಈ ಡಬ್ಬ ಯಾಕೆ ಬೇಕೂ...’ ಅಂತ ಅಪ್ಪ ಹೇಳಿದರೂ ಕೇಳಲಿಲ್ಲ ಅವನು . ಸರಿ ಚಿಲಿಯದ್ದೋ ಈಕ್ವೆಡಾರ್ ದ್ದೊ ಬ್ರ್ಯಾಂಡ್ ನ ಬಾಳೆಹಣ್ಣುಗಳ ಚಿತ್ರವಿದ್ದ ಆ ಡಬ್ಬ ನಮ್ಮ ಮನೆಯಲ್ಲಿ ಸುಮಾರು ದಿನ ವಿರಾಜಮಾನವಾಗಿತ್ತು all in one ಆಗಿ.... ಆಟಕ್ಕೂ ಅದೆ, ಊಟ ಮಾಡಲು ಕೂರಲೂ ಅದೆ,
ಆಟಿಕೆ ತುಂಬಿಡಲೂ ಅದೆ,ಕೊನೆಗವನು ತೂಕಡಿಸುವುದೂ ಅದರೊಳಗೆ ಕೂತೇ...ಅದು ಅವನಿಗೆ ಬೋಟೂ, ಟೇಬಲ್ಲೂ, ಸ್ಟೋರೇಜೂ,ಮಂಚವೂ, ಟೋಪಿಯೂ ಆಗಿತ್ತು!
ಮಕ್ಕಳು ಎಷ್ಟು ಕ್ರಿಯೇಟಿವ್ ಅಲ್ವಾ..?

(ಮರೆತ ಮಾತು-ಕೊನೆಗೊಂದು ದಿನ ಅದು ಹರಿದುಮುರಿದು ಹೋಗಿ ಅಮ್ಮು ಕಣ್ಣು ತಪ್ಪಿಸಿ ಟ್ರ್ಯಾಷ್ ನಲ್ಲಿ ಬಿಸಾಡಿ ಬಂದಾಗ ನನಗೆ ತುಂಬಾ ಬೇಜಾರಾಗಿ ಅಳು ಬಂದು ಬಿಟ್ಟಿತು! ಅವನು ನಿದ್ದೆಯಿಂದ ಎದ್ದು ಒಮ್ಮೆ ಅದರ ಬಗ್ಗೆ ಕೇಳಿ ಸುಮ್ಮನಾದ...)