Cute & cuddly Baby Alvin
Saturday, September 27, 2008
Wednesday, September 24, 2008
ಅಮ್ಮು ...ಅಮ್ಮ...
ಯಾರು ನನ್ನ ಚಿನ್ನ ರನ್ನ?
ನಾನು ನಾನು ನಾನು
ಅದನ್ ಸದಾ ಹಾಕ್ಕೋಳೋಳು
ನೀನು ನೀನು ನೀನು
ಯಾರು ನನ್ನ ಕಳ್ಳ ಕೃಷ್ಣ?
ನಾನು ನಾನು ನಾನು
ಹಾಲು ಬೆಣ್ಣೆ ತಿನ್ಸೋ ಗೋಪಿ?
ನೀನು ನೀನು ನೀನು
ತಿಂಡಿ ಕದ್ದು ತಿನ್ನೋ ಇಲಿ?
ನಾನು ನಾನು ನಾನು
ಕಿವಿ ಹಿಂಡಿ ಬಿಡಿಸಿ ಬೈಯೋಳ್?
ನೀನು ನೀನು ನೀನು
ಹಿಡಿದು ಬಡಿದು ಹೊಡೆದು ಕಡೆಗೆ
ಸೋಲೋದ್ ಯಾರು? ನೀನು!
ಅತ್ತು,ಕರೆದು ಬೈಸಿಕೊಂಡ್ರೂ
ಕಡೆಗ್ ಗೆಲ್ಲೋದ್? ನಾನು!
-ಲಕ್ಶ್ಮೀ ನಾರಾಯಣ ಭಟ್ಟ
ನನ್ನ ಚಿನ್ನ ರನ್ನ ಅಮ್ಮುನ ಸದಾ ಹಾಕ್ಕೋಳೋಳು ನಾನೇ ಆದ್ರೂ ಉಳಿದ ಮೂರು ನುಡಿಗಳು ಸದ್ಯಕ್ಕೆ ಅಮ್ಮುವಿನ ಮಟ್ಟಿಗೆ ಜಾರಿಯಲ್ಲಿಲ್ಲ! ಸದ್ಯ....
Saturday, September 20, 2008
ಲಾಲೀ ಮುದ್ದು ಲಾಲೀ ,ಚಿನ್ನ ಲಾಲೀ...
ಲಾಲೀ ಮುದ್ದು ಲಾಲೀ ,ಚಿನ್ನ ಲಾಲೀ
ತೊಟ್ಟಲಿನೊಳಗೆ ಪುಟ್ಟ ಕಂದ ಮಲಗಿಹನು
ಸೃಷ್ಟಿಗೊಡೆಯನ ಮಡದಿಯ,ಪಾರ್ವತಿ ದೇವಿ
ದೃಷ್ಟಿ ತಗುಲೀತು ತೆರೆ ಹಾಕ...
ಲಾಲೀ ಮುದ್ದು ಲಾಲೀ ,ಚಿನ್ನ ಲಾಲೀ
ಅಳಬೇಡ ನನ ಕಂದ ನಿನಗೆ ಜೋಗುಳ ಹಾಡಿ
ಹುಣ್ಣಿಮೆ ಹಾಲು ತಂದು ಉಣಿಸೇನ,ಮಾವನ ಮಗಳ
ಕರ ತಂದು ಧಾರೆ ಎರೆದೇನ....
ಲಾಲೀ ಮುದ್ದು ಲಾಲೀ ,ಚಿನ್ನ ಲಾಲೀ
ನನ್ನಯ್ಯನಂತೋರು ಹನ್ನೆರಡು ಮಕ್ಕಳು
ಹೊನ್ನೆಯ ಮರದ ನೆರಳಾಗ ಆಡುವಾಗ
ಸನ್ಯಾಸಿ ಜಪವಾ ಮರೆತಾನೂ...
ಲಾಲೀ ಮುದ್ದು ಲಾಲೀ ,ಚಿನ್ನ ಲಾಲೀ
Saturday, September 13, 2008
ಚಿಂವ್ ಚಿಂವ್ ಗುಬ್ಬಿ...
Thursday, September 11, 2008
ಗಿಂಡಿ Vs ವಾಟರ್ ಬಾಟಲ್
**********
ನನಗಾಗ ಸುಮಾರು ನಾಲ್ಕು ವರ್ಷವಿರಬಹುದು.
ಒಂದು ದಿನ ಅಟ್ಟದಲ್ಲಿ ಏನೋ ಹುಡುಕುತ್ತಿದ್ದ ಅಮ್ಮ ಹಳೆ ಪಾತ್ರೆಗಳ ನಡುವೆ ಸುಖವಾಗಿ ಮಲಗಿದ್ದ ಸಣ್ಣ ಗಿಂಡಿಯೊಂದನ್ನು ಅಪ್ಪಿ ತಪ್ಪಿ ಹೊರ ತೆಗೆದು ಹಾಕಿಬಿಟ್ಟರು ಮತ್ತು ಆ ಪಾಪದ ಪ್ರಾಣಿ ನನ್ನ ಕಣ್ಣಿಗೆ ಆಕ್ಷಣ ಬಿದ್ದು ಬಿಟ್ಟಿತು
ಶುರುವಾಯಿತಲ್ಲ ಆ ಗಿಂಡಿಗೆ ಶನಿ ದೆಸೆ...
"ಗಿಂಡಿ ತುಂಬಾ ಪುಟ್ಟ ಪಾಪುಗಳು ಹಾಲು ಕುಡಿಯುವುದು ಕಣೆ" ಅಂತ ಅಮ್ಮ ಎಷ್ಟೆಷ್ಟು ಸಮಜಾಯಿಸಿದರೂ ಕೇಳದೆ ನಾನು ಇನ್ನು ಮೇಲೆ ಗಿಂಡಿಯಲ್ಲೇ ಹಾಲು ಕುಡಿಯುವುದು ಅಂತ ಹಟಮಾಡತೊಡಗಿದೆ
ಅಷ್ಟೊತ್ತಿಗೆ ನನ್ನ ತಂಗಿ ಕೂಡಾ ಲೋಟದಲ್ಲಿ ಕುಡಿಯಲು ಶುರು ಮಾಡಿದ್ದಳೆಂದರೆ ಮನೆಯವರಿಗೆಲ್ಲಾ ನನ್ನ ಹಟ ಎಷ್ಟು ತಮಾಶೆ ಎನ್ನಿಸಿರಬೇಡ...!
`ಸರಿ ಕುಡ್ಕೋ ಹೋಗ್' ಅಂತ ಅಮ್ಮ ಸುಮ್ಮನಾಗಿ ಬಿಟ್ಟರು
ಆ ಗಿಂಡಿಯಲ್ಲಿ ಹಾಲು ಹಾಕಿದರೆ ಅದು ಸೋರಲು ಶುರವಾಗಬೇಕೇ..?
ನಾನು ಬಿಡುತ್ತೇನೆಯೇ...ಗಿಂಡಿ ತಳದಲ್ಲಿ ಒಂದು ತಟ್ಟೆ ಇರಿಸಿಕೊಂಡು ಕುಡಿಯಲೆತ್ನಿಸಿದೆ
ಹೇಳೀ ಕೇಳಿ ಅದು ಪಾಪುಗಳು ಕುಡಿಯುವ ಗಿಂಡಿ ಒಂದು ಸಾರಿಗೆ ಕಾಲು ಲೋಟ ಹಾಲು ಹಿಡುಸುತ್ತಿತ್ತು ಅಷ್ಟೇ
ಹಾಕಿದ ಹಾಲೆಲ್ಲಾ ಸುರಿದು ಹೋದರೆ ಒಂದು ಲೋಟ ಹಾಲು ಕುಡಿಯಲು ನಾನೆಷ್ಟು ಶ್ರಮ ಪಟ್ಟಿರಬಹುದು ಯೋಚಿಸಿ..
ನಾನು ಛಲ ಬಿಡದ ತ್ರಿವಿಕ್ರಮನಂತೆ ಆ ತೂತು ಗಿಂಡಿಯಲ್ಲೇ ಹಾಲು ಕುಡಿಯತೊಡಗಿದೆ
ನನ್ನ ಗಿಂಡಿ ಹುಚ್ಚು ಎಲ್ಲಿಗೆ ಹೋಯಿತೆಂದರೆ ಗಿಂಡಿಯಲ್ಲಿ ನೀರು ತುಂಬಿಕೊಂಡು ದಿನವೆಲ್ಲಾ ಕುಡಿಯಲು ಶುರು ಮಾಡಿದೆ
ಕೊನೆಗೆ ನೀರು ಕುಡಿದೂ ಕುಡಿದೂ ರಾತ್ರಿ ಹೊಟ್ಟೆ ನೋವು ಬಂತು
ಕೊನೆಗೆ ನೀರು ಕುಡಿದೂ ಕುಡಿದೂ ರಾತ್ರಿ ಹೊಟ್ಟೆ ನೋವು ಬಂತು
ನಾನು ಗಿಂಡಿಗೆ ಬೈ ಬೈ ಹೇಳಿದ್ದು ಹೀಗೆ...
***********
***********
ಕಾವೇರಿಗೇ ಜೈ...
ನೀರೇ ನಿನಗೆ ಸಾಟಿ ಇಲ್ಲ...
ಅರೆ ಹೊಯ್ ಅರೆ ಹೊಯ್
ಟುರ್ ಬ್ಯಾ.....
**************
ಆರವ್ ಹತ್ತಿರ ಇದ್ದ ವಾಟರ್ ಬಾಟಲ್ ನೋಡಿ ಅಮರ್ತ್ಯ ತುಂಬಾ ಆಸೆ ಪಟ್ಟಿದ್ದರಿಂದ ಅವನಿಗೂ ವಾಟರ್ ಬಾಟಲ್ ಕೊಡಿಸಿದ್ದೇವೆ
ಮೂರು ದಿನದಿಂದ ಏನೂ ತಿನ್ನದೆ ಹಾಲು ಕೂಡಾ ಕುಡಿಯದೆ ಬರೀ ನೀರು ಕುಡಿಯುತ್ತಿದ್ದಾನೆ
`ಸರಿ ಕುಡ್ಕೋ ಹೋಗ್' ಅಂತ ಬಿಟ್ಟು ಬಿಡಲು ನನಗೇಕೋ ಆಗುತ್ತಿಲ್ಲ
ಇವನಿಗೆ ಹೊಟ್ಟೆ ನೋವು ಯಾವಾಗ ಬರುತ್ತೆ ಅಂತ ಕಾಯುತ್ತಿದ್ದೇನೆ
ಅವನು ಘಳಿಗೆಗೊಂದು ಸಾರಿ ಉಚ್ಚೆ ಮಾಡಿಕೊಂದು ನನ್ನನ್ನು ಸತಾಯಿಸುತ್ತಿದ್ದಾನೆ.
Thursday, September 4, 2008
Friday, August 29, 2008
Monday, August 11, 2008
ತಟ್ಟಿ ತಟ್ಟೀ ರಂಗಯ್ಯ
ಕಾಳಿ ಮುದ್ದು ರಂಗಯ್ಯ
ಬಾಯಿಗೆ ಬೆಣ್ಣೆ ಇಡಿಸಯ್ಯ
ಕಣ್ಣಿಗೆ ನಿದ್ದೆ ಬರಿಸಯ್ಯ
ತಟ್ಟೀ ತಟ್ಟಿ ರಂಗಯ್ಯಾ
ತಟ್ಟೀ ತಟ್ಟಿ ರಂಗಯ್ಯಾ
ರನ್ನದಗುಂಡು ರಂಗಯ್ಯ
ಚಿನ್ನದ ತಟ್ಟೆ ತರಿಸಯ್ಯ
ತುಪ್ಪ ಅನ್ನ ಉಣಿಸಯ್ಯ
ಕಣ್ಣಿಗೆ ನಿದ್ದೆ ಬರಿಸಯ್ಯ
ತಟ್ಟೀ ತಟ್ಟಿ ರಂಗಯ್ಯಾ
ತಟ್ಟೀ ತಟ್ಟಿ ರಂಗಯ್ಯಾ
ಬೆಳ್ಳಿ ಕಡಗದ ರಂಗಯ್ಯ
ಪಚ್ಚೆ ಬಟ್ಟಲ ತರಿಸಯ್ಯ
ಸಕ್ಕರೆ ಸಜ್ಜಿಗೆ ಉಣಿಸಯ್ಯ
ಕಣ್ಣಿಗೆ ನಿದ್ದೆ ಬರಿಸಯ್ಯ
ತಟ್ಟೀ ತಟ್ಟಿ ರಂಗಯ್ಯಾ
ತಟ್ಟೀ ತಟ್ಟಿ ರಂಗಯ್ಯಾ
ಮುತ್ತಿನಪದಕ ರಂಗಯ್ಯ
ಬೆಳ್ಳಿಲೋಟವ ತರಿಸಯ್ಯ
ಕಣ್ಣಿಗೆ ನಿದ್ದೆ ಬರಿಸಯ್ಯ
ತಟ್ಟೀ ತಟ್ಟಿ ರಂಗಯ್ಯಾ
ಇಂಡಿಯಾಗೆ ಹೋದಾಗ ಈಹಾಡಿನ ಮೊದಲ ನುಡಿ ಕೇಳಿದ್ದು ಅಮ್ಮುವಿನ ಅಜ್ಜಿ ಬಾಯಲ್ಲಿ. ಮಿಕ್ಕ ನುಡಿಗಳನ್ನು ನಾನೇ ಹೆಣೆದು ಸೇರಿಸಿದ್ದು ಅಮ್ಮುವಿನ ಚಿತ್ರ ಹಳೆಯದು ಆದರೆ ಹಳೆ ಚಿತ್ರಗಳು ಪ್ರತಿ ಬಾರಿಯೂ ತರುವ ಸವಿಗೆ ಹಳೆತನವೇನೂ ಇಲ್ಲವಲ್ಲ!
Thursday, August 7, 2008
ನಮ್ಮ ಬೆಸ್ತರ ಹುಡುಗಿ!
Friday, August 1, 2008
ಮೊಲದ ಮರಿ... ಮೊಲದ ಮರಿ...
ಮೊಲದ ಮರಿ ಮೊಲದ ಮರಿ
ಆಡು ಬಾರೇ..
ಚುಪುಕೆ ಚುಪುಕೆ ಚುಪುಕೆ ಚುಪುಕೆ
ನೆಗೆದು ಬಾರೆ
ದೊಡ್ಡದಾದ ಕಾಡಿನೊಳಗೆ
ಏನು ಮಾಡುವೆ
ಹೆಡ್ಡ ನೀನು ಪೊದರಿನೊಳಗೆ
ಏಕೆ ಅಡಗುವೆ?
ಪೊದರಿನಿಂದ ಪೊದರ ಬಳಿಗೆ
ನಿನ್ನ ಆಟ
ಗಿಡದ ಚಿಗುರು ನಿತ್ಯ ನಿನಗೆ
ಸೊಗಸಿನೂಟ
ಗಿಡ್ಡ ಬಾಲ ದೊಡ್ದ ಕಿವಿಯು
ನಿನಗೆ ಚೆಂದ
ಎದ್ದು ಎನ್ನ ಬಳಿಗೆ ಬಂದು
ಆಡೊ ಕಂದ
ಗೂಡು ಕಟ್ಟಿತಿಂಡಿ ಕೊಡುವೆ
ಪ್ರೀತಿಯಿಂದ
ಕಾಡಬಿಟ್ಟು ಊರ ಸೇರೋ
ಮೊಲದ ಕಂದಾ
ಮುದ್ದು ಮುದ್ದು ಮಾತುಗಳನು
ನಿನಗೆ ಕಲಿಸುವೇ
ಮುದ್ದು ಮಾಡಿ ಪ್ರೀತಿಯಿಂದ
ನಿನ್ನ ಸಲಹುವೇ
**********
ನನ್ನ ತಂಗಿ ಎರಡು ಜುಟ್ಟು ಕಟ್ಟಿಕೊಂಡು ಈ ಮೊಲದ ಹಾಡು ಹಾಡುತ್ತಾ ಜಿಗಿಯುತ್ತಾ ಡ್ಯಾನ್ಸ್ ಮಾಡುತ್ತಿದ್ದುದು ನನಗೆ ಇನ್ನೂ ಚೆನ್ನಾಗಿ ನೆನಪಿದೆ, ಇದು ನನಗೂ ಮೆಚ್ಚಿನ ಹಾಡಾಗಿತ್ತು...
*******
ಚಿತ್ರ ಕೃಪೆ-ಲೈವ್ ಸರ್ಚ್
Subscribe to:
Posts (Atom)
