
Friday, December 14, 2007
Tuesday, December 4, 2007
ದೂರೀ....ದೂರೀ...
ದೂರಿ ದೂರಿ ದುಗ್ಗಾಲಮ್ಮ...
ನಾರಿ ಕೇಳೇ ನಂದಗೋಪೀ...
ಪುಟ್ಟ ಮುದ್ದೂ...
ಬೆಣ್ಣೆ ಕದ್ದೂ...
ಓಡಿ ಬಾರೋ...
ನನ್ನ ಚಿನ್ನಾ...
ಬೆಳ್ಳಿ ಬಟ್ಲು
ಸಕ್ರೆ ತೊಟ್ಲು
ಬಂಗಾರದ್ ಮೆಟ್ಲು
ಹತ್ತಿ ಬಾರೋ...
ಬೆಣ್ಣೆ ಕಳ್ಳಾ..
ಪುಟ್ಟ ಕುಳ್ಳಾ..
ಪಾಚಿ ಕೊಳ್ಳೋ..
ನನ್ನ ರನ್ನಾ...
ಚಂದಮಾಮಾ...
ಚಿನ್ನದ್ ಮಾಮಾ...
ತಾಚಿ ಕೊಳ್ಳೋ...
ನನ್ನ ಚಿನ್ನಾ...
ಟಿಪ್ಪಣಿ-ದೂರೀ...ದೂರೀ....ಎಂಬ ಈ ಜೋಗುಳದ ಮೊದಲೆರಡು ಸಾಲುಗಳು ಮಾತ್ರ ನನಗೆ ಗೊತ್ತಿದ್ದದು ಪೂರ್ಣಪಠ್ಯಕ್ಕಾಗಿ ತುಂಬಾ ಹುಡುಕಿದರೂ ನನಗೆ ಸಿಗಲಿಲ್ಲ. ಕೊನೆಗೊಂದು ದಿನ ಅಮರ್ತ್ಯನಿಗೆ ಚುಕ್ಕು ತಟ್ಟುತ್ತಾ ನನಗೆ ತೋಚಿದಂತೆ ಉಳಿದ ಸಾಲುಗಳನ್ನು ಹೆಣೆದು ಕೊಂಡೆ ಈ ಹಾಡು ಅಮ್ಮುವಿಗೆ ತುಂಬಾ ಇಷ್ಟ ನಿಮ್ಮಲ್ಲಿ ಯಾರಿಗಾದರೂ ಒರಿಜಿನಲ್ ಹಾಡು ಗೊತ್ತಿದ್ದರೆ ದಯವಿಟ್ಟು ಇಲ್ಲಿ ಹಂಚಿ ಕೊಳ್ಳಿ
Labels:
ಅಮ್ಮುವಿಗಾಗಿ ಅಮ್ಮ ಬರೆದ ಹಾಡು,
ಮಕ್ಕಳ ಹಾಡುಗಳು,
ಲಾಲಿ ಹಾಡು
Sunday, November 25, 2007
ಹತ್ತು ಫೇವರೆಟ್ಸ್
ಕಳೆದ ಆರು ತಿಂಗಳಲ್ಲಿ ನಾನು ಗಮನಿಸಿದಂತೆ ಅಮ್ಮುವಿನ ಹತ್ತು ಫೇವರೆಟ್ ಗಳು (ಇದೇ ಕ್ರಮಾಂಕದಲ್ಲಿ ಅಲ್ಲ!)
೧.ತನ್ನನ್ನು ಎತ್ತಿಕೊಂಡು ತಿರುಗಾಡಿಸುವ ಎಲ್ಲಾ ಆಂಟಿ ಅಂಕಲ್ ಗಳು!
೨.`ಅಗ್ಗುವೇ' ಅಮ್ಮುವಿಗೆ ತುಂಬಾ ಇಷ್ಟ ಅಮ್ಮನನ್ನು `ಅಗ್ಗುವೇ' ಗಾಗಿ ಸದಾ ಪೀಡಿಸುತ್ತಿರುತ್ತಾನೆ
೩.ಅವನ ಹೊಚ್ಚ ಹೊಸಾ ಫ್ರೆಂಡ್` ಆಲೀ' ಅಥವಾ `ಲಾಲೀ'(ಅವಳ ಬಟ್ಟೆಯನ್ನೂ ತಲೆಯನ್ನು ಸದಾ ತಿನ್ನುತ್ತಿರುತ್ತಾನೆ) ಮತ್ತು ಅಷ್ಟೇನೂ ಹೊಸಬನಲ್ಲದ ಫ್ರೆಂಡ್, ಮಿಸ್ಟರ್ ಬೇರ್ ದ ಕ್ಲೌನ್
೪.ಬಂತು ಬಂತು ಬಂತು...ಎಂಬ ಆಟ
೫.ಗರ್ಬರ್ ನ ತರಕಾರಿಗಳು ವಿಶೇಷವಾಗಿ ಸ್ಕ್ವಾಷ್
೬.ಅವನನ್ನು ಎಂಗೇಜ್ ಮಾಡುವ ಎಲ್ಲಾ ಮಕ್ಕಳು
೭.ಬಣ್ಣ ಬಣ್ಣದ ದೀಪಗಳಿರುವ ಮಾಲ್ ಅದರಲ್ಲೂ `ಐಕಿಯಾ' ಎಂಬ ಸ್ವೀಡಿಶ್ ಮಾಲ್
೮.ಅವನ ರೇನ್ ಬೋ ಡಕ್ ಕಥೆ ಪುಸ್ತಕ,ಅಪ್ಪ ತಂದು ಕೊಟ್ಟಿರುವ ಪ್ಲ್ಯಾಸ್ಟಿಕ್ ಕೋಡು ಬಳೆಗಳು
೯.ಬರ್ದಾಷ್ ನಹೀ ಕರ್ಸಕ್ತಾ,ಬಂಬೈ ಮೇರಿ ಜಾನ್ ,ಅಕೇಲೇ ಹೈ,ದೂರಿ ದೂರೀ,ಕಪ್ಪು ಕಪ್ಪು,ನಿಂಬೀಯಾ ಬನದ ಮ್ಯಾಗಳ,ಊರು ನೋಡಲೆಂದು ಹೊಂಟನೋ ಕಪೀಶಾ...ಲಿಸ್ಟ್ ಗೋಸ್ ಆನ್
೧೦.ತನ್ನ ಎಂಜಲು ಕೈಯಲ್ಲಿ ಅಪ್ಪ ಅಮ್ಮನ ಮುಖ ಪರಚುವುದು!
Saturday, November 24, 2007
Wednesday, November 21, 2007
Tuesday, November 20, 2007
Monday, November 19, 2007
Thursday, November 8, 2007
ಅಮ್ಮು ಮತ್ತು ನಕ್ಷತ್ರ
ಕಪ್ಪು ಕಪ್ಪು ಬಾನಲ್ಲಿ
ಮಿಣಿ ಮಿಣಿ ಮಿನುಗೋ ನಕ್ಷತ್ರ
ದೂರ ಯಾಕೆ ನಿಂತ್ ಬುಟ್ಟೇ
ಬೇಗ್ ಬೇಗ್ ಬಾ ನನ್ ಹತ್ರ
ನನ್ ಪುಟ್ ಪುಟ್ ಕಣ್ಗೆ ನೀನಂತೂ
ಎಷ್ಟು ಪುಟ್ ದಾಗಿ ಕಾಣ್ತೀಯಾ
ಹಾಗೇ ನಿನ್ ಪುಟ್ ಪುಟ್ ಕಣ್ಗೆ
ನಾನೂನೂ ಅಷ್ಟೇ ಪುಟ್ ದಾಗಿ ಕಾಣ್ತೀನಾ?
ಯಾರಪ್ಪಾ ಇದು ಹಾಸ್ಗೇಲ್
ಮಲ್ಕೊಂಡು,ಹೊದ್ಗೆ ಹೊದ್ಕೊಂಡು
ನನ್ ಹತ್ರ ಮಾತಾಡೋದು
ಅಂತ ಕೇಳ್ತೀಯಾ?
ನಿಂಗೂ ನನ್ ಹಾಸ್ಗೇಲೆ
ನನ್ನ ಅಮ್ಮನ್ ಪಕ್ಕ
ಬೆಚ್ಚನೆ ಜಾಗ ಕೊಡ್ತೀನಿ
ಹೇಳೂ ಕೆಳಗಿಳ್ದು ಬರ್ತೀಯಾ?
ಎಷ್ಟು ಕರುದ್ರೂ ನೀ ಬರ್ಲಿಲ್ವಲ್ಲಾ
ನಿಂಗ್ ನಿದ್ದೆ ಬರ್ತಿಲ್ವಾ?
ರಾತ್ರಿ ಪೂರಾ ಮಿಣ ಮಿಣ ಮಿನುಗಿ
ಹಗಲಲ್ ನಿದ್ದೇ ಮಾಡ್ತೀಯಾ?
ಓಕೇ ಗುಡ್ ನೈಟ್ ನಕ್ಷತ್ರ
ಮತ್ತೆ ನಾಳೆ ಸಿಗೋಣಾ
ಪ್ಲೀಸ್ ನಿದ್ದೆ ಮಾಡೋಕ್ ಟ್ರೈ ಮಾಡು
ಇಬ್ರೂ ಬೆಳಗ್ಗೆ ಆಡೋಣಾ
-ಮಾಲಾರಾವ್
Wednesday, November 7, 2007
ಮುದ್ದು ಮುದ್ದು
ಕಪ್ಪು ಕಪ್ಪು
ಸಾದು ಕಪ್ಪು
ನನ್ನ ಚಿನ್ನಿ
ಕೂದ್ಲು ಕಪ್ಪು
ಹಣೆ ಹಣೆ
ಬಂಗಾರ್ ದ್ ಮಣೆ
ಚುಕ್ಕಿ ಇಟ್ಟ
ಪುಟ್ಟ ಹಣೆ
ಹಣ್ಣು ಹಣ್ಣು
ನೇರ್ಳೆ ಹಣ್ಣು
ನನ್ನ ಪುಟ್ಟ
ನಿನ್ನ ಕಣ್ನು
ಚೆಂದ ಚೆಂದ
ಏನು ಚೆಂದ?
ನಮ್ಮ ಗಿಳಿಯ ಮೂಗೇ ಚೆಂದ
ಮುದ್ದೆ ಮುದ್ದೆ
ಬೆಣ್ಣೆ ಮುದ್ದೆ
ನಿನ್ನ ಕೆನ್ನೆ
ಜೇನು ದೊನ್ನೆ
ಕೆಂಪು ಕೆಂಪು
ಗುಲಾಬಿ ಕೆಂಪು
ನನ್ನ ಮುದ್ದು
ತುಟಿ ಕೆಂಪು
ಗಲ್ಲ ಗಲ್ಲ
ಗುಳಿ ಗುಲ್ಲ
ಅಮ್ಮನ್ ಬೀಳ್ಸೋ
ರಸಗುಲ್ಲ
-ಮಾಲಾ ರಾವ್
(ಸೂಚನೆ-ಹಾಡು ಹೇಳುತ್ತಾ ಮಗುವಿನ ಮುಖದ ಆಯಾಯಾ ಭಾಗವನ್ನು ಮೃದುವಾಗಿ ಮುಟ್ಟಿ ಸವರಿ ಹಾಡಿದರೆ ಮಗು ಒಳ್ಳೇ ಪ್ರತಿಕ್ರಿಯೆ ತೋರುವುದಲ್ಲದೇ ಆ ಭಾಗಗಳ ಪರಿಚಯವನ್ನೂ ಮಾಡಿಕೊಟ್ಟಂತಾಗುತ್ತದೆ)
Tuesday, November 6, 2007
Subscribe to:
Posts (Atom)