Saturday, July 12, 2008

ನಮ್ಮ big boy!




ನಮ್ಮ big boy ಯ ಇತ್ತೀಚಿನ ಚಿತ್ರಗಳು


Saturday, June 21, 2008

ಒಂದು ಎರಡು....

ನಿಂಗೆ ಎಷ್ಟ್ ಹಲ್ಲು ಬಂದಿದೆ ಅಂತ ಕೇಳ್ತಿದೀರಾ...?



ಕಚ್ಚಿ ತೋರಿಸಲೋ ಸುಮ್ನೆ ಹಾಗೇ ತೋರಿಸಿದರೆ ಸಾಕೋ...?


ಇಗೊಳ್ಳಿ...ಏಣಿಸಿಕೊಳ್ಳಿ...ಹಲ್ಲು ನೋಡಿದ್ದಕ್ಕೆಈ ಡಬ್ಬ ತುಂಬಾ ಚಾಕ್ಲೇಟ್ ಕೊಡ್ಬೇಕೂ...(ದಾಂತ್ ದಿಕಾಯಿ!)


ಏಣಿಸೋಕೆ ಬರಲ್ವಾ...? ಒಂದು, ಎರಡು,ಮೂರು ,ನಾಲ್ಕು, ಐದು,ಆರು... ಗೊತ್ತಾಯ್ತಾ...?
ಬನ್ನಿ ಸಲ್ಪ ಕಚ್ಚಿ ನೋಡ್ತೀನಿ....

Friday, June 13, 2008

ಪೋಕರಿ ಕಿಟ್ಟನಿಗೆ ಮೀರ ಆಂಟಿಯ ಸಪೋರ್ಟು!


ಪೋಗುತಾಲಿರೊ ಕಿಟ್ಟ,
ನಿನ್ನಮ್ಮ ಎಷ್ಟು ತಡೆದರೂ....
ಡೈಪರ್ರು ಕಿತ್ತೆಸೆದು
ಸ್ಮೈಲ್ ಒಂದು ತೆಗೆದೆಸೆದು
ಪೋಗಾತಾಲಿರೋ ಪುಟ್ಟ......
ನಂದಗೋಕುಲದೊಳಗೆ ಬಂದ
ನಮಗೆಲ್ಲರಿಗು ಚಂದದಿಂದಲಿ
ಒಂದುಹೂನಗೆಯನೆಸೆಯುತ್ತ
ನಲಿಯುತಾಲಿರೋ ಕಿಟ್ಟ.......
ಅಂಕಲ್, ಆಂಟಿಗಳೆಲ್ಲ
ಬಿಂಕದಲಿ ಕುಳಿತಿರಲು
ಅಂಕೆಯಿಲ್ಲದೆ ಅವರು
ಬಾಯ್ಬಿಟ್ಟು ನಗುವಂತೆ
ಮಾಡೂತಲಿರೋ ಕಿಟ್ಟ......

Tuesday, June 10, 2008

ಪೋಗಾದಿರೆಲೋ... ಕಿಟ್ಟಾ..

ಪೋಗಾದಿರೆಲೋ ಕಿಟ್ಟಾ...
ಬಾಗಿಲಿಂದಾಚೆ...
ಡೈಪರ್ ಕಿತ್ತೆಸೆದೂ
ಭಾಗವತ ಅಂಕಲ್ ನೋಡಿ ಬಿದ್ಬಿದ್ದು ನಗುವನೋ...

ಸುಪ್ತದೀಪ್ತಿ ಆಂಟಿ ತಮ್ಮ ಕ್ಯಾಮರಾ ದಲ್ಲಿ
ನಿನ್ ಫೋಟೋ ಹಿಡಿಯಲು ಅರಸುವರೋ
ದೊರಕದ ಪೋಸೊಂದು ದೊರಕಿತೂ ತಮಗೆಂದು
ಬೇಗದಿಂದಲೀ ನಿನ್ನಾ ಫೋಟೋ ಹೊಡೆದು ಬಿಡೂವರೋ ...


ಇತ್ತ ಆಂಟಿಯರೆಲ್ಲಾ ಕಿಟ್ಟ ಒಳ್ಳೆ ಹುಡುಗನೆಂದು
ಎಲ್ಲರಿಗು ಹೇಳಿಕೊಂಡು ತಿರುಗುವರೋ
ನೀ ಹೀಗೆ ಡೈಪರ್ ಕಿತ್ತಾಕಿ ಓಡಿದರೆ
ಕಿಟ್ಟ ಪುಂಡ ಪೋಕರಿಯೆಂದು ದೂರ ಅಟ್ಟಿಬಿಡುವರೋ


ಅಗಣಿಪ "ಗುಣ"ನಿನ್ನಾ ಜಗದ ಆಂಟಿ ಅಂಕಲ್ ಗಳೆಲ್ಲಾ
ನಂದ ಗೋಕುಲದಲಿ ನೋಡುವರೋ ಅಮ್ಮುರಾಜನೇ...
ಸೃಷ್ಟೀಶಾ ಪುರಂದರ ವಿಠಲಾ ರಾಯನೇ
ನೀನೇ ನಮ್ ಕಿಟ್ಟನಿಗೇ ಒಳ್ಳೆಬುದ್ದಿ ಕೊಡಪ್ಪಾ ತಂದೇ...


Monday, May 26, 2008

ಅಮ್ಮುವಿನ ಮೊದಲ ಹುಟ್ಟು ಹಬ್ಬ

ನೆನ್ನೆ ಅಮ್ಮುವಿನ ಹುಟ್ಟಿದ ಹಬ್ಬವನ್ನು ನಾವು "ಅವನ ದಿನ"ವಾಗಿ ಕಳೆಯಲು ನಿರ್ಧರಿಸಿದೆವು ಅತಿಥಿಗಳ ನಡುವೆ ನಾವು ಕಳೆದು ಹೋಗಿ ಅಮ್ಮು ರಚ್ಚೆ ಹಿಡಿಯುವುದು ಬೇಡ ಎಂದು... ಏಕೈಕ ಅತಿಥಿ ಇಂಡಿಯಾದಿಂದ ನಮ್ಮಲ್ಲಿಗೆ ಬಂದಿದ್ದ ನಮ್ಮ ಕಸಿನ್
ಅಮ್ಮುವನ್ನು "ಜಿಂಬೂರಿ' ಎಂಬ ಮಕ್ಕಳ, ಅದರಲ್ಲೂ ಅವನದೇ ವಯಸ್ಸಿನ ಮಕ್ಕಳ ಹಾಡು ಕುಣಿತದ ಜಾಗಕ್ಕೆ ಬೆಳಗ್ಗೆ ಕರೆದು ಕೊಂಡು ಹೋದೆವು. ನಂತರ ಸ್ಟಿವನ್ಸ್ ಕ್ರೀಕ್ ಪಾರ್ಕ್ ಗೆ.ಸಂಜೆ ಮನೆಯಲ್ಲೇ ಪುಟಾಣಿ ಕೇಕ್ ಕಟ್ ಮಾಡಿಸಿದೆವು
ಅಮ್ಮು ಅವನ ದಿನವನ್ನು ಮಜವಾಗಿ ಕಳೆದ....

ಬಾಲ್ ಬೇಕ ಬಾಲ್ ಢಮರುಗದ ಮೇಲೆ ಆಸೀನನಾಗಿ ನಲಿಯುತ್ತಿರುವ ಅಮ್ಮು



ಇಲ್ನೋಡೀ...ಎಷ್ಟು ದೊಡ್ಡ ಬಾಲ್... ಅಮ್ಮು ಇದರ ಮೇಲೂ ಕೂತ...

ತೂಗು ಸೇತುವೆ ಮೇಲೆ ಅಂಬೆಗಾಲು...


ಸುಸ್ತಾಯ್ತಪ್ಪಾ....ಸಲ್ಪ ಬೆರಳು ಚೀಪ್ತೀನಿ...


ಸಿಕ್ನಲ್ಲಾ ....ಇಲ್ಲೊಬ್ಬ ಸ್ನೇಹಿತ.......

ಸಪ್ತ ರಂಗಿನ ಬಬಲ್ ಆಯುತ್ತಿರುವ ಅಮ್ಮು....

ಏಯ್...ಹುಡುಗಿ....ನನ್ ಹೆಸ್ರು ಅಮ್ಮು ಕಣೇ...ನಿಂದೇನೂ...?

ಬಾಲ್ ಗಳಿಗಿನ್ನಾ ಟ್ಯಾಗೇ ರುಚಿಯಾಗಿದೆ...!


ಬುರ್ರ್...ಬುರ್ರ್...ಬುರ್ರ್.....

ಅರೇ,..ಏನಾಯ್ತೂ...?



ಓಓಓಓಓಓಓಓ....ಇದು ಹೀಗಾ....


ನಾನು ಸ್ಕೂಲಿಗೆ ಹೋಗುವಾಗ ನನ್ ಬಸ್ ನಾನೇ ಡ್ರೈವ್ ಮಾಡ್ತೀನಿ.....



ನೀವೂ ಬರ್ತೀರಾ...?

ಕಾಸು ಎಲ್ಲಿ ಸಾರ್...?ನಮ್ದೇನು ಬಿಟ್ಟಿ ಬಸ್ಸು ಅನ್ಕೊಂಡ್ರಾ...?


ಪ್ಲೇನೂ ಓಡಿಸೇ ಬಿಡೋಣಾ...ಏನಿವಾಗ ಒಂದ್ ಕೈ ನೋಡೋಕೆ...?


ತುಂಬಾ ಸುಲಭ ನೀವೂ ಬನ್ನಿ ಬೇಕಾದ್ರೆ ಕಲಿಸ್ತೀನಿ ಫೀಸು ತುಂಬಾ ಆಗತ್ತೆ ಅಷ್ಟೇ...

ಇದೇನೂ ಸಲ್ಪ ರಿಪೇರಿ ಮಾಡುವಾ...


ಬನ್ನಿ ಬನ್ನಿ ಹತ್ಕೊಳಿ....

ಸ್ಟಿವನ್ಸ್ ಕ್ರೀಕ್ ಪಾರ್ಕ್ ನಲ್ಲಿ ಅಮ್ಮುವಿಗೆ ಹಸಿರು ವಾಣಿಯ ಸ್ವಾಗತ....


ಘಮಘಮ ಎನ್ನುತ್ತಿದ್ದ ಹೂವಿನ ಚಪ್ಪರ


ಅಮ್ಮುವಿಗೆ ಆನಂದ ತಂದ ನೀಲಿ ಹಕ್ಕಿ...



ಕ್ರೀಕ್ ನ ಜುಳು ಜುಳು ನಾದ...!

ಈ ಸುಂದರ ಪ್ರಕೃತಿಯ ನಡುವೆ ಮಮ್ಮು ತಿನ್ನುತ್ತಿರುವ ಅಮ್ಮು...



ಸಂಜೆ ಅಮ್ಮುವಿಗಾಗಿ ಪುಟಾಣಿ ಕೇಕ್...


ಅಮ್ಮು ಉಫ್ ಅನ್ನಲು ಇಷ್ಟ ಪಡಲಿಲ್ಲ ಹಾಗಾಗಿ ನಾವೇ ಊದಿ ಕಟ್ ಮಾಡಿ ತಿಂದೆವು!
ಅಮ್ಮು ಸಲ್ಪ ಹೊತ್ತಿನ ನಂತರ ಚೂರು ಕೇಕ್ ತಿಂದ....

Sunday, May 25, 2008

ಆ ಘಳಿಗೆಯನ್ನೇ ನೆನಪಿಸಿಕೊಳ್ಳುತ್ತಾ

ಇವತ್ತಿಗೆ ಅಮರ್ತ್ಯನಿಗೆ ಒಂದು ವರ್ಷ

ನೀವು ನೋಡುತ್ತಿರುವ ಅವನ ಫೋಟೋ

ಅವನು ಹುಟ್ಟಿದ ಕೆಲವು ನಿಮಿಷಗಳಲ್ಲೇ ತೆಗೆದದ್ದು

ನನ್ನ ಪುಟಾಣಿ ಭುವಿಗೆ ಬಂದ ಆ ಘಳಿಗೆಯನ್ನೇ ನೆನಪಿಸಿ ಕೊಳ್ಳುತ್ತಾ....

ಹ್ಯಾಪಿ ಬರ್ತ್ ಡೇ ಕಂದಾ...

Saturday, May 17, 2008

Sunday, May 11, 2008

AMMU"S FIRST CAMPING

Amartya had his very first camping experience this weekend.We took him to Branan Island located in Sacramento River Delta








Saturday, May 3, 2008

Thursday, May 1, 2008

ಪೀಕುದಾನಿಯೊಂದರ ಕಥೆ...


ಈಗಿನ ಕಾಲದವರಿಗೆ ಪೀಕುದಾನಿಯನ್ನು ಸ್ವಲ್ಪ ವಿವರಿಸಬೇಕು ಅದು ಸಾಮಾನ್ಯವಾಗಿ ಅಗಲ ಪರಾತದಂತೆ ಇದ್ದು
ಮಧ್ಯದಲ್ಲಿ ಗುಂಡಿಯಂತೆ ತಗ್ಗು ಇರುತ್ತದೆ. ಹಿಂದಿನಕಾಲದಲ್ಲಿ ರಾಜ ಮಹಾರಾಜರುಗಳು,ದೊಡ್ಡ ದೊಡ್ಡ ಶ್ರೀಮಂತ ರಸಿಕರು ,ಹಗಲು-ರಾತ್ರಿ ತಾಂಬೂಲ ಜಗಿಯುವಂತ ರಸಿಕತೆ ಇದ್ದವರು) ತಾವು ಇತರ ಕೆಲಸಗಳಲ್ಲಿ ಬಿಸಿಯಾಗಿದ್ದಾಗ ಅಗಿದ ತಾಂಬೂಲ ತುಪ್ಪಲು ಇಂಥಾ ಪೀಕುದಾನಿಗಳನ್ನೂ ಮತ್ತು ಈ ಪೀಕುದಾನಿ ಹಿಡಿಯಲು ಜನವನ್ನೂ ಇಟ್ಟು ಕೊಂಡಿರುತ್ತಿದ್ದರಂತೆ
ನಮ್ಮನೆಯಲ್ಲಿ ಪೀಕುದಾನಿಯೂ ಜನವೂ ಎರಡೂ ಇಲ್ಲ ನಾವೇನು ಮಾಡೋಣಾ ಸ್ವಾಮೀ..?
*************
ಕಿಟ್ಟಣ್ಣನಿಗೆ ಹಲ್ಲು ಬರುತ್ತಿವೆ ನಮ್ಮಿಬ್ಬರನ್ನೂ(ಸಾಮಾನ್ಯವಾಗಿ) ವೀಕೆಂಡಿನಲ್ಲಿ ಸಿಗುವ ನಮ್ಮ ಅದೃಷ್ಟಶಾಲಿ ಸ್ನೇಹಿತರನ್ನೂ
ಹಾ...! ಅಂತ ಕಿರುಚಿಕೊಂಡು ಮುಟ್ಟಿ ನೋಡಿಕೊಳ್ಳುವಂತೆ ಕಚ್ಚುತ್ತಾನೆ ಮತ್ತು ಬಹುಮಾನವಾಗಿ ವದೆ ತಿನ್ನುತ್ತಾನೆ
ಎಲ್ಲಾ ಸೈಜಿನ, ಶೇಪಿನ, ಟೆಕ್ಸ್ಚರಿನ ಟಿತರ್ ಗಳನ್ನು ತಂದು ಸುರಿದಿದ್ದೇವೆ ಅವುಗಳೊಂದೂ ಅವನಿಗೆ ಸೇರವು
ಕೊನೆಗೆ ಕ್ಯಾರೆಟ್ಟ್ ಬೀಟ್ರೂಟ್ ಗಳ ಪ್ರಯೋಗವೂ ಆಯಿತು
ಜೊತೆಗೆ ಜೊಲ್ಲು...
*********
ಅಹಾ..!ಜೊಲ್ಲೆಂದರೆ ಅದರ ಕಥೆ ಏನು ಕೇಳುತ್ತೀರೀ...
ಅಂಗಿಯ ಮೇಲೆ ಜೊಲ್ಲು... ನೆಲದ ಮೇಲೆ ಜೊಲ್ಲು... ಸೋಫಾದ ಮೇಲೆ ಜೊಲ್ಲು...ನನ್ನ ಚೂಡೀಧಾರದ ಮೇಲೂ ಜೊಲ್ಲು...
ಅಪ್ಪನ ಶರ್ಟಿನ ಮೇಲೂ ಡಿಟೋ...
ನಾನಾಡುವ ನುಡಿಯೇ ಜೊಲ್ಲಿನ ನುಡೀ....ಅಂತ ಅವನು ಹಾಡು ಹೇಳುವುದೊಂದು ಬಾಕಿ..!
***********
ಹಲ್ಲು ಬರುವಾಗ ಜೊಲ್ಲು ಬರುವುದು ತೀರಾ ಸಹಜ ಅನ್ನುತ್ತವೆ ಚೈಲ್ಡ್ ಕೇರ್ ಪುಸ್ತಕಗಳು
ಜೊಲ್ಲು ಸುರಿಸಿದಷ್ಟೂ ಬುದ್ದಿವಂತ ಆಗ್ತಾನೆ ಬಿಡು ಅಂತ ಕೆಲವರು ನಂಗೆ ಸಮಾಧಾನ ಹೇಳ್ತಿದಾರೆ
(ತಿಂಡಿಯನ್ನು ನೋಡಿ ಜೊ.. ಸುರಿಸುವ ಡುಮ್ಮಣ್ಣನೂ,ಹುಡಿಗಿ ನೋಡಿ ಜೊ.. ಸುರಿಸುವ ಕಚಡಾನೂ,ನಾಯಿ ಬೆಕ್ಕುಗಳೂ ಹಾಗಾದ್ರೆ ತುಂಬಾ ಬುದ್ದಿವಂತರಿರಬೇಕು!)
************
ಮೊನ್ನೆ ಮಧ್ಯ ರಾತ್ರಿ ಅರವಿಂದ ಜೋರಾಗಿ ಕೂಗುತ್ತಾ ಹಾಸಿಗೆಯಿಂದ ಎಗರೆಗರಿ ಬೀಳಲು ಶುರುಮಾಡಿದ
ಗೊರಕೆ ಹೊಡೀತಿದ್ದ ನಾನು ಎದ್ದು ಗಾಭರಿಯಿಂದ 'ಏನಾಯ್ತು..ಏನಾಯ್ತು...?"ಅಂತ ಕಿರುಚಿದೆ
ಅವನು ಕೋತಿಯಂತೆ ಹಲ್ಲು ಕಿರೀತಿದ್ದ ಕಿಟ್ಟಣ್ಣನನ್ನು ಉರಿಗಣ್ಣಿನಿಂದ ನೋಡುತ್ತಾ ತನ್ನ ಕಿವಿಯೊಳಗೆ ಬೆರಳು ಹಾಕಿ ಅಲ್ಲಾಡಿಸಿಕೊಳ್ಳುತ್ತಿದ್ದ
ಏಕೆಂದರೆ ಬಾಯಿತುಂಬಾ ಸುಮಾರು ಜೊಲ್ಲು ತುಂಬಿಕೊಂಡಿದ್ದ ಕಿಟ್ಟಣ್ಣ ಮಲಗಿದ್ದ ಅಪ್ಪನ ಕಿವಿಯನ್ನೇ
ಪೀಕುದಾನಿ ಮಾಡಿಕೊಂಡು ಬಿಟ್ಟಿದ್ದ!