Monday, January 12, 2009

ಎಳ್ಳು ಎರೆವ ಹಾಡು

ಅಮರ್ತ್ಯನಿಗೆ ಎಳ್ಳು ಎರೆದ ಹಾಡು

ಮುತ್ತಿನ ಹಸೆ ಬರೆದು ರತ್ನದ ಮಣೆ ಹಾಕಿ
ರೇಶ್ಮೆ ಸೀರೆಯುಟ್ಟ ನೀರೆಯರು
ಹಸೆಗೆ ಬಾ ಅಮರ್ತ್ಯ ಕುಮಾರ
ಎಂದು ಕರೆದರು...


ಮುದ್ದು ಮುಖದ ತುಂಬ ಮಲ್ಲಿಗೆಗೆ ನಗು ಚೆಲ್ಲುತ್ತ
ಮೆಲ್ಲ ಮೆಲ್ಲನೆ ಅಂಬೆಗಾಲಿಡುತ
ಅಮರ್ತ್ಯ ಕುಮಾರನು ಬಿಂಕದಿ
ಹಸೆಗೆ ಬಂದನು...


ಅಂದದ ಹಸೆಯಲ್ಲಿ ಅಮರ್ತ್ಯನ ಕುಳ್ಳಿರಿಸಿ
ಅಲ್ಲಿ ನೆರೆದ ಲಲಿತಾಂಗಿಯರೆಲ್ಲ
ಬೆಳ್ಳಿಯ ಬಟ್ಟಲಲಿ ಎಳ್ಳು ಎರೆದರು
ಚೆಂದದಿ ನಗುನಗುತಲೀ....


ಎಳ್ಳು ಬೆಲ್ಲ ಕೊಬ್ಬರಿಯ ಎರೆದರು
ಎಲಚಿ ಹಣ್ಣು ಒಣದ್ರಾಕ್ಷಿ ಬಾದಾಮಿಗಳನೆರೆದರು
ಸಾಲದೆಂದು ಮುತ್ತಿನ ಮಣಿಗಳ
ಮತ್ತೆ ಸುವರ್ಣ ಪುಷ್ಪಗಳನೆರೆದರು...


ನಗುನಗುತ ಬಾಳಪ್ಪ ಅಮರ್ತ್ಯ ಕುಮಾರ
ಸಮವಾದ ದೃಷ್ಟಿ ಹಿರಿದಾದ ಮನಸು
ಆರೋಗ್ಯ ಸೌಖ್ಯ ಸುಖಗಳು ನಿನಗೊದಗಲೀ
ಜಯಮಂಗಳ ನಿತ್ಯ ಶುಭ ಮಂಗಳ...

ಕಳೆದ ವರ್ಷ ಅಮ್ಮಣ್ಣನಿಗೆ ಎಳ್ಳು ಎರೆಯುವಾಗ ಹಾಡಲು ನನಗೆ ಯಾವ ಹಾಡೂ ಸಿಗಲಿಲ್ಲವೆಂದು ನಂತರ ನಾನೇ ಬರೆದುಕೊಂಡಿದ್ದು ಈ ಹಾಡು ಈ ವರ್ಷ ಹಾಡೋಣವೆಂದು ಕೊಂಡಿದ್ದೇನೆ ನೀವೂ ನಿಮ್ಮಮಗುವಿಗೆ ಹಾಡಲಿ ಅಂತ ಹಬ್ಬಕ್ಕೆ ಮುಂಚೆಯೇ ಹಾಕಿದ್ದೇನೆ

ಎಲ್ಲರಿಗೂ ಸಂಕ್ರಾಂತಿ ಶುಭಾಶಯಗಳು

Friday, January 2, 2009

Friday, December 19, 2008

ಬೇಗ ದೊಡ್ಡೋನಾಗೋ....

ಅಮರ್ತ್ಯ ವಿಪರೀತ ತುಂಟ ಪೋಕರಿಯಾಗಿದ್ದಾನೆ. ಅವನು ನನ್ನನ್ನು ಗೋಳು ಹೊಯ್ದುಕೊಂಡು ನನಗೆ ಸಾಕು ಸಾಕಾದಾಗಲೆಲ್ಲಾ
ಯಾವಾಗ ದೊಡ್ಡೋನಾಗ್ತಾನೋ ಇವ್ ನು..." ಅಂತ ಹಾರೈಸುತ್ತಾ ಇದ್ದವಳಿಗೆ ಕಣ್ಣುತೆರೆಸುವಂಥಾ ಮುತ್ತಿನಂಥಾ ಮಾತು ಮೊನ್ನೆ ಏನೋ ಓದುವಾಗ ಸಿಕ್ಕಿತು

“Childhood is a short season.” ~Helen Hayes

ಪಾಪ ಮಗು ಮಜ ಮಾಡಿಕೊಳ್ಳಲೀ...ಇನ್ ಮೇಲೆ ಬೇಗ ದೊಡ್ಡೋನಾಗೋ ಅಂತ ಅನ್ನಬಾರದು ಅಂದುಕೊಂಡೆ !
ಅಂದಹಾಗೆ ಈ ಫೋಟೋ ಅಮ್ಮು ಅಂಬೆಗಾಲಿಡುತ್ತಿದ್ದಾಗಿನದು...ಅವನಿನ್ನೂ ಎಂಟೋ ಒಂಭತ್ತೋ ತಿಂಗಳ ಕಂದ...
ಎಷ್ಟು ಬೇಗ ಬೆಳೆದು ಬಿಟ್ಟ...!

Thursday, December 11, 2008

ಎನ್ನ ಗಾಜ ಗೊಂಬೆಯೇ...

ಸೂಜುಮಲ್ಲಿಗೆ ಸುಜಾತ ಮಲ್ಲಿಗೆ

ರಾಜ ತೇಜ ಮಗುವೆ ಎನ್ನ

ಗಾಜ ಗೊಂಬೆಯೇ

ನಲಿದಾಡು ಸೋಗಿಲೆ

ಸುಳಿದಾಡು ಕೋಗಿಲೆ

ಬಳಿಗೆ ಬಾ ಆನೆ ಮರಿಯೇ

ಕೊಳದ ಹಂಸವೇ

Thursday, December 4, 2008

ಕೊನೆಗೂ ಸಿಕ್ಕಿದ ದೂರೀದೂರೀ...


ಅಮ್ಮು ಪುಟಾಣಿ ಮಗುವಾಗಿದ್ದಾಗಿನಿಂದ "ದೂರೀ ದೂರೀ"ಹಾಡನ್ನು ಹುಡುಕುತ್ತಿದ್ದೆ ಕೊನೆಗೆ ಅದು ಸಿಗದೆ ನಾನೇ ನನಗೆ ತೋಚಿದಂತೆ ಹಾಡು ಕಟ್ಟಿಕೊಂಡು ಅಮ್ಮಣ್ಣನಿಗೆ ಹಾಡುತ್ತಿದ್ದೆ ಈತನಕ ನನಗೆ ಸಿಕ್ಕಿರದ "ದೂರೀ ದೂರೀ" ಮೊನ್ನೆ
ಲಾಸ್ ಏಂಜಲೀಸ್ ಗೆ ಹೋದಾಗ ನನ್ನ ಕಸಿನ್ ಬಳಿ ಸಿಕ್ಕಿತು!
ಮಗಳಿಗೆಂದು ತಮ್ಮ ಅಮ್ಮ ವರ್ಷಗಳ ಹಿಂದೆ ಬರೆದುಕೊಟ್ಟ ಈ ಹಾಡಲ್ಲದೆ ಇನ್ನೂ ಹಲವು ಮಕ್ಕಳ ಹಾಡುಗಳನ್ನು ನನಗೆ ಕೊಟ್ಟ ರವಿ ಅಣ್ಣ ಮತ್ತು ಅರುಣ ಅತ್ತಿಗೆಗೂ ಹಾಡುಗಳನ್ನು ಬರೆದಿಟ್ಟಿದ್ದ ಸರೋಜ ಅತ್ತೆಗೂ ಥ್ಯಾಂಕ್ಸ್....
ದೂರೀ ದೂರೀ ದೂಕಲಮ್ಮ
ನಾರಿ ಕೇಳೇ ನಂದಗೋಪಿ
ದೂರೀ ದೂರೀ ದೂಕಲಮ್ಮ
ಕಲ್ಲ ಮೇಲೆ ಬಿದ್ದು ಜಾರಿ
ಹಲ್ಲು ಮುರಿದು ಕೊಂಡೆನಮ್ಮ
ದೂರೀ ದೂರೀ ದುಂಡ ಪಾಪ
ನಾರಿ ಕೇಳೇ ನಂದಗೋಪಿ
ಅತ್ತೆ ಮನೆಗೆ ಹೋದೆನಮ್ಮ
ಕಿತ್ತಳೆ ಹಣ್ಣು ತಿಂದೆನಮ್ಮ
ಮಾವನ ಮನೆಗೆ ಹೋದೆನಮ್ಮ
ಮಾವಿನ ಹಣ್ಣು ಹಣ್ಣು ತಿಂದೆನಮ್ಮ
ದೂರೀ ದೂರೀ ದೂಕಲಮ್ಮ

Monday, November 3, 2008

ಕಿಟ್ಟಣ್ಣನ ಹ್ಯಾಲೋವೀನ್ ಸಂಭ್ರಮ

ನಮ್ಮ ಸಿಂಹದ ಮರಿ 'ಟ್ರಿಕ್ ಆರ್ ಟ್ರೀಟ್'ಗೆ ಹೋಗಲು ರೆಡಿ.....

ಅಮ್ಮನಿಗೆ ಕುಂಬಳಕಾಯಿ ಕೆತ್ತಲು (pumpkin carving) ಕಿಟ್ಟಣ್ಣನ ಸಹಾಯ..!

ಅಂತೂ ಕುಂಬಳಕಾಯಿ ಕೆತ್ತಿ ಆಯಿತು....



ತಯಾರಾದ ಕುಂಬಳಕಾಯಿಯಲ್ಲಿ ಕ್ಯಾಂಡಲ್ ಬೆಳಗಿಸಿ ಮನೆ ಬಾಗಿಲಲ್ಲಿ ಇಟ್ಟಾಗ....


ತನ್ನ ಸ್ನೇಹಿತರೊಡನೆ ಟ್ರಿಕ್ ಮಾಡಲು ಹೊರಟ ಕಿಟ್ಟಣ್ಣ





ಪಂಜ ಸರಿ ಇದೆಯೇ....? ಬೇಟೆಗೆ ರೆಡಿಯಾಗುತ್ತಿರುವ ಮರಿ


ಸಿಂಹದ ಮರಿಯ ಮುದ್ದಾದ ಪುಟಾಣಿ ಬಾಲ!


ಹುಲಿಯ ಮೇಲೆ ಸಿಂಹ! ಇಂಥಾ ಅಪರೂಪದ ದೃಶ್ಯ ಎಂದಾದರೂ ಕಂಡಿದ್ದಿರಾ..?


ಹತ್ತು ಕ್ಯಾಂಡಿ ತಿಂದು ತುಟಿ ಸವರಿಕೊಳ್ಳುತ್ತಿರುವ ಸಿಂಹ...


ನಿಮಗೊಂದು SMILE..



ತನ್ನ (ಟಾಯ್) ಸಾಮ್ರ್ಯಾಜ್ಯದಲ್ಲಿ ಪುಟ್ಟ ಕಿಟ್ಟ ಸಿಂಹ



ಓಓಓಓಓಓ ಮರಿ ಸಿಂಹಕ್ಕೆ ಸುಸ್ತಾಗಿ ಬಿಟ್ಟಿತು...
So Bye....

Tuesday, October 28, 2008

ದೀಪಾವಳಿ


HAPPY DEEPAVALI

ಎಲ್ಲರಿಗೂ ದೀಪಾವಳಿ ಶುಭಾಶಯಗಳು

Thursday, October 16, 2008

ಚಂದುಮಾಮ ಬಾ...

ಬಾ ಬಾ ಚಂದು ಮಾಮ
ಮುತ್ತು ಕೊಡು ಬಾ


ಕಬ್ಬು ಹೆಚ್ಚಿ ತಿರುಳೇ ಕೊಡುವೆ
ಮಾವು ಹೆಚ್ಚಿ ವಾಟೀ ಕೊಡುವೆ
ಬಾಬಾ ಚಂದು ಮಾಮ
ತಿಂಡಿ ತಿನ್ನು ಬಾ


ಕೌಲಿ ಹಾಲು ಕರೆಯಿಸಿ ಕೊಡುವೆ
ಹಾಲು ಕುಡಿಯಲು ಬಟ್ಟಲು ಕೊಡುವೆ
ಬಾ ಬಾ ಚಂದು ಮಾಮ
ಹಾಲು ಕುಡಿ ಬಾ


ತುಪ್ಪದ ದೀಪ ಹಚ್ಚಿ ಇಡುವೆ
ಪುಟ್ಟ ಪುಸ್ತಕ ಓದಲು ಕೊಡುವೆ
ಬಾ ಬಾ ಚಂದು ಮಾಮ
ಪಾಠ ಓದು ಬಾ


ಆಟದ ಸಾಮಾನೆಲ್ಲಾ ಕೊಡುವೆ
ನಿನ್ನ ಸಂಗಡ ಆಡುತಲಿರುವೆ
ಬಾಬಾ ಚಂದು ಮಾಮ ಬಾ
ಕೂಡಿ ಆಡು ಬಾ

-ಹೊಯಿಸಳ

Wednesday, October 15, 2008

Ammu at sam's birthday party

Samhita -the birthday girl

Ammu discussing some 'tarle' plans with his buddies
abhi,mahima & anika


Ayushi and Ammu


Ammu plotting some mischief......

Akhila and Ammu


Ammu in party cone...


Sams saying bye.....



Happy birthday Sams...




Tuesday, October 7, 2008

ಕಂದ ರಂಗಯ್ಯ...

ಅಂಗಳದ ತುಂಬೆಲ್ಲಾ ರಂಗೋಲಿ ಬಿಡಿಸಿದ್ದೆ
ಕಂದ ರಂಗಯ್ಯ ಒಳಹೊರಗ ಓಡಾಡಿ
ಮನೆಯ ಒಳಗೆಲ್ಲಾ ಚಿತ್ತಾರಾ...


ದಿಡ್ಡಿ ಬಾಗಿಲಿಗೆ ಮುತ್ತಿನ ತೋರಣ ಕಟ್ಟಿದ್ದೆ
ಕಂದ ರಂಗಯ್ಯ ಒಳಹೊರಗ ನಲಿದಾಡಿ
ಮನೆಯ ಒಳಗೆಲ್ಲಾ ಮುತ್ತಿನ ಸಿಂಗಾರಾ...


ಹಿತ್ತಲ ತುಂಬೆಲ್ಲಾ ಮಲ್ಲಿಗೆ ಸೇವಂತಿ ಬೆಳೆದಿದ್ದೆ
ಕಂದ ರಂಗಯ್ಯ ಒಳಹೊರಗ ನೆಗೆದಾಡಿ
ಮನೆಯ ಒಳಗೆಲ್ಲಾ ಹೂಬನಾ...

_ಅಮ್ಮುವಿನಮ್ಮ